राष्ट्रीय
Trending

नदीवरील केबल पूल कोसळून 134 जणांचा मृत्यू, गुजरातमधील दुर्घटनेने देश हळहळला, बचावकार्य सुरू !

सुधीर जगदाळे Send an email October 31, 2022
Story Highlights
  • एका प्रत्यक्षदर्शीने सांगितले की, अपघातापूर्वी काही लोक पुलावर उड्या मारताना आणि मोठ्या तारा ओढताना (केबल) दिसले होते. त्यानंतर मोठ्या स्वरुपात गर्दी उसळल्याने पूल कोसळला असावा, असे ते म्हणाले.

मोरबी (गुजरात), 31 ऑक्टोबर – गुजरातमधील मोरबी शहरातील मच्छू नदीवरील केबल पूल दुर्घटनेतील मृतांची संख्या सोमवारी 134 वर पोहोचली आहे. गुजरात पोलिसांच्या एका वरिष्ठ अधिकाऱ्याने सांगितले की, बचावकार्य सुरू आहे.

गुजरातचे मुख्यमंत्री भूपेंद्र पटेल आणि गृह राज्यमंत्री हर्ष संघवी यांनी मोरबीमध्ये रात्रभर मुक्काम करून अनेक एजन्सीद्वारे सुरू असलेल्या बचाव कार्यावर लक्ष ठेवले.

राजधानी गांधीनगरपासून 300 किमी अंतरावर असलेल्या मोरबीमधील माचू नदीवर बांधलेला हा पूल शतकाहून अधिक जुना आहे. दुरुस्ती आणि नूतनीकरणाच्या कामानंतर पाच दिवसांपूर्वी ते सर्वसामान्यांसाठी खुले करण्यात आले. रविवारी सायंकाळी 6.30 वाजण्याच्या सुमारास पूल तुटला.

राजकोट रेंजचे महानिरीक्षक अशोक यादव यांनी सांगितले की, पूल कोसळण्याच्या घटनेतील मृतांची संख्या 134 वर पोहोचली आहे.

राज्याच्या माहिती विभागाने सांगितले की, राष्ट्रीय आपत्ती प्रतिसाद दल (NDRF) च्या पाच पथके, राज्य आपत्ती प्रतिसाद दलाच्या (SDRF) सहा पथके, एक हवाई दल, दोन लष्करी तुकड्या आणि भारतीय नौदलाच्या दोन तुकड्या, स्थानिक बचाव पथके शोध मोहिमेत सामील आहे. शोध मोहीम रात्रभर चालली, जी अजूनही सुरूच आहे.

Related Articles

बचावकार्य अजूनही सुरूच आहे, असे यादव यांनी सांगितले.

संघवी यांनी पत्रकारांना सांगितले की, राज्य सरकारने पूल कोसळण्याच्या घटनेच्या चौकशीसाठी समिती स्थापन केली आहे.

ब्रिटीश काळातील हा ‘हँगिंग ब्रिज’ जेव्हा तुटला तेव्हा त्यावर अनेक महिला आणि लहान मुले उपस्थित होती आणि पूल कोसळल्याने ते नदीत पडल्याचे प्रत्यक्षदर्शींनी सांगितले.

जेव्हा पूल तुटला तेव्हा स्थानिक लोकांव्यतिरिक्त, आजूबाजूच्या शहरे आणि गावातील लोकही पुलावर उपस्थित होते. दिवाळीची सुट्टी आणि रविवार असल्याने पर्यटकांच्या आकर्षणाचा केंद्रबिंदू असलेल्या या पुलावर मोठी गर्दी होती.

एका प्रत्यक्षदर्शीने सांगितले की, अपघातापूर्वी काही लोक पुलावर उड्या मारताना आणि मोठ्या तारा ओढताना (केबल) दिसले होते. त्यानंतर मोठ्या स्वरुपात गर्दी उसळल्याने पूल कोसळला असावा, असे ते म्हणाले.

त्यांनी सांगितले की जेव्हा पूल तुटला तेव्हा लोक एकमेकांच्या अंगावर पडले. नदीत पडण्यापासून वाचण्यासाठी अनेक लोक पुलाच्या एका टोकाला लटकताना दिसले. पूल कोसळल्यानंतर त्याचा काही भाग नदीत लटकला.

स्थानिक रुग्णालयात, लोकांनी गर्दी टाळण्यासाठी आणि रुग्णवाहिकेचा मार्ग मोकळा करण्यासाठी मानवी साखळी तयार केली.

एका खासगी ऑपरेटरने सुमारे सहा महिने पुलाच्या दुरुस्तीचे काम केले. 26 ऑक्टोबर रोजी गुजराती नववर्षाच्या दिवशी हा पूल पुन्हा जनतेसाठी खुला करण्यात आला.

दुरुस्तीचे काम पूर्ण झाल्यानंतर ते लोकांसाठी खुले करण्यात आले परंतु स्थानिक नागरी संस्थेने अद्याप फिटनेस प्रमाणपत्र जारी केले नाही, असे एका अधिकाऱ्याने सांगितले.

पंतप्रधान कार्यालयाने ट्विट केले की, गुजरातमध्ये असलेले पंतप्रधान नरेंद्र मोदी यांनी मुख्यमंत्री पटेल आणि इतर अधिकाऱ्यांशी चर्चा केली आहे. मोदींनी पंतप्रधान राष्ट्रीय मदत निधी (PMNRF) मधून मृतांच्या नातेवाईकांना प्रत्येकी 2 लाख रुपये आणि जखमींना प्रत्येकी 50,000 रुपयांची भरपाई जाहीर केली आहे.

राज्य सरकारने अपघातात मृत्युमुखी पडलेल्यांच्या नातेवाईकांना प्रत्येकी चार लाख रुपये आणि जखमींना प्रत्येकी ५० हजार रुपयांची भरपाई जाहीर केली आहे.

या घटनेनंतर पंतप्रधान नरेंद्र मोदी यांनी राज्य विधानसभा निवडणुकीच्या पार्श्वभूमीवर सोमवारी अहमदाबादमध्ये होणारा त्यांचा रोड शो रद्द केला आहे, अशी माहिती भारतीय जनता पक्ष (भाजप) सूत्रांनी दिली.

अहमदाबादमध्ये काही रेल्वे प्रकल्पांच्या उद्घाटन कार्यक्रमाला ते उपस्थित राहणार आहेत.

मोदींच्या उपस्थितीत मंगळवारी होणारी ‘पेज कमिटी कॉन्फरन्स’ही रद्द करण्यात आल्याचे सूत्रांनी सांगितले.

त्याच वेळी, काँग्रेसने सांगितले की, सोमवारी राज्यातील पाच झोनमधून जाणारी त्यांची परिवर्तन संकल्प यात्रा एक दिवसासाठी पुढे ढकलण्यात आली आहे.

सुधीर जगदाळे Send an email October 31, 2022
Photo of सुधीर जगदाळे

सुधीर जगदाळे

Back to top button
error: Content is protected !!