राष्ट्रीय
Trending

दिवाळीत फटाके फोडल्यास सहा महिन्यांपर्यंत तुरुंगवास ! पोलिस आयुक्तांच्या अधिपत्याखाली 210 पथके तैनात !!

दिल्लीत दिवाळीत फटाक्यांचा वापर दंडनीय गुन्हा : राय

सुधीर जगदाळे Send an email October 19, 2022
Story Highlights
  • दिल्ली सरकार शुक्रवारी कॅनॉट प्लेसच्या सेंट्रल पार्कमध्ये 51,000 दिवे प्रज्वलित करणार आहे.

नवी दिल्ली, 19 ऑक्टोबर – दिल्लीचे पर्यावरण मंत्री गोपाल राय यांनी बुधवारी सांगितले की, दिल्लीत दिवाळीत फटाके फोडल्यास सहा महिन्यांपर्यंत तुरुंगवास आणि 200 रुपये दंड होऊ शकतो.

येथे पत्रकार परिषदेला संबोधित करताना राय म्हणाले की, राजधानीत फटाक्यांचे उत्पादन, साठवणूक आणि विक्री केल्यास 5,000 रुपयांपर्यंतचा दंड आणि स्फोटक कायद्याच्या कलम 9B अंतर्गत तीन वर्षांच्या तुरुंगवासाची शिक्षा होऊ शकते.

दिल्ली सरकारने सप्टेंबरमध्ये पुन्हा पुढील वर्षी १ जानेवारीपर्यंत सर्व प्रकारच्या फटाक्यांच्या उत्पादन, विक्री आणि वापरावर पूर्ण बंदी घातली होती. अशी बंदी गेल्या दोन वर्षांपासून सुरू आहे.

राय म्हणाले की, 21 ऑक्टोबर रोजी ‘दिया जलाओ फटाके नही’ ही जनजागृती मोहीम राबविण्यात येणार आहे.

दिल्ली सरकार शुक्रवारी कॅनॉट प्लेसच्या सेंट्रल पार्कमध्ये 51,000 दिवे प्रज्वलित करणार आहे.

Related Articles

“दिल्लीमध्ये फटाके खरेदी आणि फोडल्यास 200 रुपये दंड आणि भारतीय दंड संहितेनुसार सहा महिने तुरुंगवासाची शिक्षा होईल,” असे मंत्री म्हणाले.

राय म्हणाले, बंदी लागू करण्यासाठी 408 टीम तयार करण्यात आल्या आहेत.

दिल्ली पोलिसांनी सहाय्यक पोलिस आयुक्तांच्या अधिपत्याखाली 210 पथके स्थापन केली आहेत, तर महसूल विभागाने 165 आणि दिल्ली प्रदूषण नियंत्रण समितीने 33 पथके स्थापन केली आहेत.

मंत्री म्हणाले की उल्लंघनाची 188 प्रकरणे आढळून आली आहेत आणि 16 ऑक्टोबरपर्यंत 2,917 किलो फटाके जप्त करण्यात आले आहेत.

सुधीर जगदाळे Send an email October 19, 2022
Photo of सुधीर जगदाळे

सुधीर जगदाळे

Back to top button
error: Content is protected !!