महाराष्ट्र
Trending

मुंबईतील शाळेवर हल्ल्याचा कट रचणाऱ्या संगणक अभियंत्याला जन्मठेपेची शिक्षा ! ‘लोन वुल्फ’ हल्ल्याचा होता प्लॅन !

सुधीर जगदाळे Send an email October 21, 2022
Story Highlights
  • 'लोन वुल्फ' हल्ला म्हणजे मोठ्या संख्येने लोकांना ठार मारण्याच्या उद्देशाने केवळ एका व्यक्तीने हल्ल्यापर्यंतचे सर्व नियोजन करणे होय.

मुंबई, २१ ऑक्टोबर – येथील अमेरिकन शाळेतील मुलांवर हल्ल्याचा कट रचल्याप्रकरणी संगणक अभियंता अनीस अन्सारी याला मुंबई न्यायालयाने शुक्रवारी जन्मठेपेची शिक्षा सुनावली.

अतिरिक्त सत्र न्यायाधीश ए.ए. जोगळेकर यांनी शिक्षा सुनावली.

अन्सारीला महाराष्ट्र दहशतवाद विरोधी पथकाने ऑक्टोबर 2014 मध्ये अटक केली होती आणि तेव्हापासून तो तुरुंगात होता.

त्याला भारतीय दंड संहितेच्या संबंधित कलमांतर्गत आणि माहिती तंत्रज्ञान कायद्याच्या तरतुदींनुसार दोषी ठरवण्यात आले.

फिर्यादीनुसार, अन्सारी हा एका खाजगी कंपनीत असोसिएट जिओग्राफिक टेक्निशियन म्हणून काम करत होता आणि त्याने आपल्या कार्यालयातील संगणकाचा वापर करून बनावट नावाने फेसबुक खाते तयार केले आणि आक्षेपार्ह माहिती प्रकाशित केली.

Related Articles

तपास यंत्रणेने त्याच्यावर ISIS या दहशतवादी संघटनेच्या कारवायांचे समर्थन केल्याचा आरोप केला. फेसबुकवर उमर एल्हाजीसोबतच्या त्याच्या चॅट्सवरून असे दिसून येते की त्याला अमेरिकन शाळेवर ‘लोन वुल्फ’ हल्ला करायचा होता.

‘लोन वुल्फ’ हल्ला म्हणजे मोठ्या संख्येने लोकांना ठार मारण्याच्या उद्देशाने केवळ एका व्यक्तीने हल्ल्यापर्यंतचे सर्व नियोजन करणे होय.

सुधीर जगदाळे Send an email October 21, 2022
Photo of सुधीर जगदाळे

सुधीर जगदाळे

Back to top button
error: Content is protected !!