महाराष्ट्रराष्ट्रीय

ठाकरे आणि शिंदे दोन्ही गटांना महापालिकेने परवानगी नाकारली ! शिवाजी पार्कवरील दसरा मेळाव्याकडे महाराष्ट्राचे लक्ष !!

सुधीर जगदाळे Send an email September 22, 2022

मुंबई, 22 सप्टेंबर – बृहन्मुंबई महानगरपालिकेने (BMC) शिवसेनेच्या उद्धव ठाकरे यांच्या नेतृत्वाखालील गट आणि महाराष्ट्राचे मुख्यमंत्री एकनाथ शिंदे यांच्या नेतृत्वाखालील गटाला 5 ऑक्टोबर रोजी येथील ऐतिहासिक शिवाजी पार्कवर दसरा मेळावा आयोजित करण्यास परवानगी नाकारली आहे. बीएमसीच्या एका अधिकाऱ्याने गुरुवारी ही माहिती दिली.

बीएमसीच्या अधिकाऱ्यांच्या म्हणण्यानुसार, मुंबई पोलिसांनी कायदा आणि सुव्यवस्थेच्या मुद्द्यांवरून शिवाजी पार्कवर रॅली आयोजित करण्यास परवानगी नाकारली होती.

गेल्या आठवड्यात शिंदे गटाला मुंबईतील वांद्रे कुर्ला कॉम्प्लेक्स (बीकेसी) येथील एमएमआरडीए मैदानावर मेळावा घेण्यास परवानगी देण्यात आली होती.

बीएमसी कमिशनर इक्बाल सिंग चहल यांनी पीटीआय सांगितले की, दसऱ्याच्या मुहूर्तावर ५ ऑक्टोबरला शिवाजी पार्कवर मेळाव्याचे आयोजन करण्यासाठी शिवसेनेच्या दोन्ही गटांना बीएमसी प्रशासनाने परवानगी नाकारली आहे.

बीएमसीच्या म्हणण्यानुसार, शिवाजी पार्क पोलिसांनी आपल्या प्रतिक्रियेत असे म्हटले आहे की, दोन्ही गटांपैकी एकाला रॅली काढण्याची परवानगी दिल्यास “कायदा व सुव्यवस्थेच्या दृष्टीने संवेदनशील असलेल्या शिवाजी पार्क परिसरात गंभीर समस्या” निर्माण होऊ शकते.

Related Articles

अधिकाऱ्यांनी सांगितले की, बीएमसीने पत्र पाठवून दोन्ही गटांना परवानगी न देण्याबाबत कळवले आहे.

22 ऑगस्ट रोजी ठाकरे यांच्या नेतृत्वाखालील शिवसेनेचे अनिल देसाई यांनी मध्य मुंबईतील आयकॉनिक पार्कमध्ये मेळावा घेण्यासाठी बीएमसीकडे परवानगीसाठी अर्ज केला होता.

त्यानंतर 30 ऑगस्ट रोजी शिंदे गटाचे आमदार सदा सरवणकर यांनीही बीएमसीच्या जी-उत्तर प्रभागातून दसरा मेळावा आयोजित करण्यासाठी परवानगीसाठी अर्ज केला होता.

बीएमसीच्या झोन-2 उपमहापालिका आयुक्तांनी शिवाजी पार्क पोलीस ठाण्यात कायदा आणि सुव्यवस्थेच्या कारणास्तव ठाकरे आणि शिंदे या दोन्ही गटांना परवानगी दिली नाही.

दोन्ही गटांना बीएमसीने लिहिलेल्या पत्रात पोलिसांचे म्हणणे उद्धृत केले आहे, दोन्ही गटांच्या अर्जात शिवाजी महाराज पार्क मैदानावर दसरा मेळाव्याला परवानगी देण्याची विनंती करण्यात आली आहे. संवेदनशील असलेल्या शिवाजी पार्कवर कोणत्याही गटाला रॅली काढण्याची परवानगी दिल्यास कायदा आणि सुव्यवस्थेचा गंभीर प्रश्न निर्माण होऊ शकतो.

दरम्यान, शिवाजी पार्कवर वार्षिक दसरा मेळावा घेण्यास परवानगी मिळावी, या मागणीसाठी ठाकरे गटाच्या याचिकेवर सुनावणी किंवा निर्णय न देण्याची विनंती करणारी याचिका आमदार सदा सरवणकर यांनी गुरुवारी मुंबई उच्च न्यायालयात दाखल केली.

सुधीर जगदाळे Send an email September 22, 2022
Photo of सुधीर जगदाळे

सुधीर जगदाळे

Back to top button
error: Content is protected !!