प्रियकराने प्रेयसीचे 35 तुकडे केले, 18 दिवस फ्रीजमध्ये ठेवले; मुंबईतील तरुणीची दिल्लीत क्रूर हत्या !
'लिव्ह-इन पार्टनर'च्या हत्येने दिल्ली आणि मुंबई हादरले
![](https://bhaskarvishwa.com/wp-content/uploads/2022/11/दिल्ली-आरोपी-35-तुकडे-प्रेयसी-2.jpg)
- “मुंबईत काम करत असताना दोघे प्रेमात पडले आणि कुटुंबांच्या विरोधामुळे एप्रिलच्या अखेरीस किंवा मे महिन्याच्या पहिल्या आठवड्यात ते दिल्लीला गेले. ते राष्ट्रीय राजधानीत राहत असताना, मेच्या मध्यात, त्यांच्यात लग्नावरून वाद झाला, जो वाढला आणि आफताबने श्रद्धाचा गळा दाबला.
नवी दिल्ली, 14 नोव्हेंबर – दिल्लीतील एका भीषण घटनेत, प्रियकराने आपल्या लिव्ह-इन पार्टनरचा गळा दाबून खून केला, तिच्या शरीराचे 35 तुकडे केले आणि सुमारे 20 दिवस रेफ्रिजरेटरमध्ये ठेवले. त्यानंतर एकापाठोपाठ एक ते राजधानी दिल्लीच्या जंगलात वेगवेगळ्या भागात त्या तुकड्यांची विल्हेवाट लावली.
पोलीस अधिकाऱ्यांनी दिलेल्या माहितीनुसार, या प्रकरणी मुंबईतील 28 वर्षीय आफताब पूनावाला याला अटक करण्यात आली असून श्रद्धा वालकर (29) नावाच्या तरुणीच्या शरीराचे काही अवयव जप्त करण्यात आले आहेत. गुन्ह्यात वापरलेले हत्यार अद्याप मिळाले नसल्याचे पोलिसांचे म्हणणे आहे.
अतिरिक्त पोलीस उपायुक्त-I (दक्षिण जिल्हा) अंकित चौहान म्हणाले, “मुंबईत काम करत असताना दोघे प्रेमात पडले आणि कुटुंबांच्या विरोधामुळे एप्रिलच्या अखेरीस किंवा मे महिन्याच्या पहिल्या आठवड्यात ते दिल्लीला गेले. ते राष्ट्रीय राजधानीत राहत असताना, मेच्या मध्यात, त्यांच्यात लग्नावरून वाद झाला, जो वाढला आणि आफताबने श्रद्धाचा गळा दाबला.
ते म्हणाले, त्यानंतर मृतदेहाचे तुकडे करून शहरातील विविध भागात फेकून दिले. आरोपींनी महिलेच्या मृतदेहाचे हे तुकडे फेकण्यापूर्वी फ्रीजमध्ये ठेवले होते.
चौहान म्हणाले की, हे जोडपे दिल्लीत राहायला लागल्यावर काही दिवसांनी मुंबईतील तरुणीच्या वडिलांना आपली मुलगी हरवल्याचे समजले आणि त्यांनी मुंबई पोलिसांकडे हरवल्याची तक्रार नोंदवली.
पोलिसांनी दिलेल्या माहितीनुसार, आरोपीला पाच दिवसांसाठी ताब्यात घेण्यात आले असून या प्रकरणाचा तपास सुरू आहे.
दिल्ली महिला आयोगाच्या प्रमुख स्वाती मालीवाल यांनी आरोपींना कठोरात कठोर शिक्षा देण्याची मागणी केली आहे. त्यांनी ट्विट केले की, “एका धक्कादायक प्रकरणात दिल्लीत एका मुलीची तिच्या पुरुष मित्राने हत्या केली आणि तिच्या मृतदेहाचे ३५ तुकडे करून फ्रीजमध्ये ठेवले. त्याने तिच्या मृतदेहाचे तुकडे शहरातील विविध भागात फेकून दिले. समाजात कशा कशा प्रकारचे दरिंदे राहतात?
पोलिसांनी आरोपीला अटक केली आहे. अशा आरोपींना कठोरत कठोर शिक्षा झाली पाहिजे.
- गुगल अॅप इंन्स्टॉल करा अन् राहा अपडेट👇
https://play.google.com/store/apps/details?id=com.sambhajinagarlive.news - WhatsApp ग्रुप 👇
https://chat.whatsapp.com/D1vs2HoW4eqFRkoSoO98Om - फेसबुक पेज👇
https://www.facebook.com/profile.php?id=100063797745685&mibextid=ZbWKwL - Telegram channel 👇
https://t.me/+YKOHk5GZrKVW8VPP - Follow the भास्करविश्व मीडिया channel on WhatsApp👇
https://whatsapp.com/channel/0029Va8zRcn3bbVBA3JmZk26 - 9923355999 हा मोबाईल नंबर आपल्या WhatsApp ग्रुपमध्ये अॅड करा अन् मिळवा अपडेट