राष्ट्रीय
Trending

विद्यार्थ्यांना मीठ घालून भात दिल्याबद्दल मुख्याध्यापिका तडकाफडकी निलंबित !

सुधीर जगदाळे Send an email September 28, 2022

अयोध्या (उत्तर), 28 सप्टेंबर – अयोध्येतील एका सरकारी प्राथमिक शाळेच्या मुख्याध्यापिकेला दुपारच्या जेवणात विद्यार्थ्यांना मीठ घालून भात दिल्याबद्दल निलंबित करण्यात आले आहे. ही घटना जिल्ह्यातील बिकापूर तालुक्यातील प्राथमिक शाळेतील आहे.

सोशल मीडियावर एक व्हिडिओ व्हायरल झाला आहे ज्यामध्ये विद्यार्थी मीठ घालून भात खाताना दिसत आहेत. जेवणाच्या दर्जाबाबत माहिती मिळताच मुलांच्या पालकांनी शाळा गाठून संताप व्यक्त केला.

अयोध्येचे जिल्हा दंडाधिकारी नितीश कुमार म्हणाले, ‘घटना मंगळवारची आहे. खराब झालेल्या अन्नाची माहिती मिळताच शिक्षण अधिकारी (BSA) प्रदीप कुमार राय यांना चौकशीचे आदेश दिले आहेत आणि शाळेच्या मुख्याध्यापिका एकता यादव यांना निलंबित करण्याचे आदेश दिले आहेत.

त्यांनी सांगितले की, याप्रकरणी गावप्रमुख अनिल सिंह यांनाही नोटीस देण्यात आली आहे. या शाळेत सुमारे 50 मुले शिक्षणासाठी दाखल आहेत. मध्यान्ह भोजनाच्या वेळी मुलांना गोण्यांवर बसावे लागत असल्याचा आरोप मुलांच्या पालकांनी केला आहे.

पालकांनी अधिकाऱ्यांवर आरोप केला आहे की, निर्धारित अन्न यादीनुसार मुलांना मध्यान्ह भोजन मिळत नाही तसेच शाळेतील शिक्षकही अनेकदा गैरहजर असतात.

Related Articles

सुधीर जगदाळे Send an email September 28, 2022
Photo of सुधीर जगदाळे

सुधीर जगदाळे

Back to top button
error: Content is protected !!