राष्ट्रीय
Trending

केदारनाथच्या गर्भगृहात भाविकांच्या प्रवेशावर बंदी, चारधाम यात्रेला मोठी गर्दी !

देवतेचे दर्शन घेण्यासाठी भाविकांना सभा मंडपापर्यंत जाता येणार, गर्दी कमी झाल्यावर निर्बंध उठवणार

सुधीर जगदाळे Send an email September 20, 2022

डेहराडून, 19 सप्टेंबर – उत्तराखंडमधील श्री बद्रीनाथ-केदारनाथ मंदिर समितीने सोमवारी (19 सप्टेंबर) केदारनाथ मंदिराच्या गर्भगृहात प्रचंड गर्दी लक्षात घेऊन भाविकांच्या प्रवेशावर बंदी घातली.

दोन महिन्यांच्या पावसाळ्यात यात्रेकरूंची संख्या कमी झाल्यानंतर आता पुन्हा चारधामवर भाविकांची मोठी गर्दी होत आहे.

मंदिर समितीचे अध्यक्ष अजेंद्र अजय म्हणाले की, “आम्ही केदारनाथ मंदिराच्या गर्भगृहात भाविकांच्या प्रवेशावर बंदी घातली आहे कारण आतमध्ये मर्यादित जागा असून गर्दी प्रचंड आहे. बंदी लागू होईपर्यंत भाविकांना देवतेचे दर्शन घेण्यासाठी सभा मंडपापर्यंत जाता येणार आहे.

ते म्हणाले की, भाविकांची प्रचंड गर्दी पाहता पावसाळ्यापूर्वीही असेच पाऊल उचलण्यात आले होते.

हे निर्बंध उठवण्याची कोणतीही तारीख निश्चित केलेली नाही. मात्र, गर्दी कमी झाल्यावर हे निर्बंध उठवले जातील, असे मंदिर समितीचे अध्यक्ष अजय यांनी सांगितले.

Related Articles

सुधीर जगदाळे Send an email September 20, 2022
Photo of सुधीर जगदाळे

सुधीर जगदाळे

Back to top button
error: Content is protected !!