राष्ट्रीय
Trending

भाजप नेत्याच्या गेस्ट हाऊसवर छापेमारी, वेश्याव्यवसाय व प्रेमी युगुलांचा अड्डा बनल्याने पोलिसांनी टाळे ठोकले !

सुधीर जगदाळे Send an email November 16, 2022
Story Highlights
  • अतिरिक्त पोलिस अधीक्षक संजय कुमार यांनी सांगितले की, रोजा पोलिस स्टेशन हद्दीतील आशा मन्नत गेस्ट हाऊसमधून सात महिला आणि सात पुरुषांना अटक करण्यात आली, यातील काही कथितपणे वेश्याव्यवसायात गुंतले होते तर काही प्रेमी युगुल होते.

शहाजहानपूर (उत्तर प्रदेश), 15 नोव्हेंबर – जिल्ह्यातील माजी नगर पंचायत अध्यक्ष आणि भाजप नेते अजय कुमार गुप्ता यांच्या गेस्ट हाऊसला पोलिसांनी टाळे ठोकले आहे. दुसरीकडे, गेस्ट हाऊसचे स्वामी गुप्ता यांनी हे राजकीय प्रतिस्पर्ध्यांचे षडयंत्र असल्याचे म्हटले आहे.

रोजा नगर पंचायतीचे माजी अध्यक्ष आणि भाजप नेते अजय कुमार गुप्ता यांनी सांगितले की, त्यांच्या गेस्ट हाऊसमध्ये केवळ 18 वर्षांपेक्षा जास्त वयाच्या लोकांना खोल्या दिल्या जातात आणि पोलिसांनी ज्यांना पकडलेले आहे ते 18 वर्षांपेक्षा जास्त वयाचे आहेत.

ते म्हणाले की, त्यांच्या गेस्ट हाऊसमध्ये सीसीटीव्ही कॅमेरे बसवण्यात आले असून राजकीय वैमनस्यातून गेस्ट हाऊसवर छापा टाकण्यात आला आहे.

अतिरिक्त पोलिस अधीक्षक संजय कुमार यांनी सांगितले की, रोजा पोलिस स्टेशन हद्दीतील आशा मन्नत गेस्ट हाऊसमधून सोमवारी सात महिला आणि सात पुरुषांना अटक करण्यात आली, यातील काही कथितपणे वेश्याव्यवसायात गुंतले होते तर काही प्रेमी युगुल होते.

त्यांनी सांगितले की, आशा मन्नत गेस्ट हाऊसमध्ये अनैतिक काम होत असल्याची माहिती पोलिस स्टेशन रोजा यांना मिळाली होती, त्यानंतर पोलिसांचे पथक तयार करून गेस्ट हाऊसवर छापा टाकला.

Related Articles

कुमार म्हणाले की, आरोपींच्या प्राथमिक चौकशीत गेस्ट हाऊसमध्ये सापडलेल्या काही मुली वेश्याव्यवसायात गुंतल्या असल्याचे समोर आले आहे.

गेस्ट हाऊसचे मालक रोजा नगर पंचायतीचे माजी अध्यक्ष असून पोलिसांनी छापा टाकताच हॉटेल व्यवस्थापक अनूप कुमार आणि कुणाल गुप्ता आणि गेस्ट हाऊसचे मालक अजय कुमार गुप्ता पळून गेले.

सुधीर जगदाळे Send an email November 16, 2022
Photo of सुधीर जगदाळे

सुधीर जगदाळे

Back to top button
error: Content is protected !!