राष्ट्रीय
Trending

कलेक्टरला ढोर आणि मूर्ख म्हटल्यामुळे बसपाच्या महिला आमदारावर गुन्हा दाखल ! सोशल मीडियावर व्हिडियो व्हायरल !!

जिल्हाधिकाऱ्यांशी गैरवर्तन केल्याप्रकरणी बसपा आमदाराविरुद्ध गुन्हा दाखल

सुधीर जगदाळे Send an email October 2, 2022

दमोह, १ ऑक्टोबर – मध्य प्रदेशातील दमोह जिल्ह्याच्या जिल्हाधिकार्‍यांनी बसपा आमदार रामबाई परिहार यांच्या विरोधात तक्रार दाखल केली असून त्यांच्यावर शिवीगाळ केल्याचा आणि धमक्या दिल्याचा आरोप केला आहे. पोलीस अधिकाऱ्याने ही माहिती दिली.

एका पोलीस अधिकाऱ्याने सांगितले की, जिल्हाधिकारी एस कृष्ण चैतन्य यांच्या तक्रारीवरून कोतवाली पोलिसांनी आमदाराविरुद्ध एफआयआर दाखल केला आहे.

अतिरिक्त पोलिस अधीक्षक (एएसपी) शिवकुमार सिंह यांनी शनिवारी ही माहिती दिली की, दमोह जिल्ह्यातील पथरिया विधानसभा मतदारसंघातील आमदार रामबाई परिहार यांच्यावर भारतीय दंड संहितेच्या कलम 353, 186 (सार्वजनिक कार्यात सार्वजनिक सेवकाला अडथळा आणणे) अंतर्गत गुन्हा दाखल करण्यात आला आहे. कलम 323, 294 (अश्लील शब्द) आणि 506 (गुन्हेगारी धमकी) अंतर्गत गुन्हा दाखल करण्यात आला आहे.

तक्रारीनुसार, शुक्रवारी आमदार त्यांच्या मतदारसंघातील काही महिलांसह काही स्थानिक समस्यांबाबत तक्रारी घेऊन जिल्हाधिकाऱ्यांना भेटले असता ही घटना घडली.

त्यात असे नमूद केले आहे की, यावेळी रामबाई यांनी जिल्हाधिकार्‍यांशी असभ्य वर्तन करत त्यांच्या विरोधात अर्वाच्य व अश्लील शब्दांचा वापर केला. यानंतर या घटनेचा व्हिडिओही सोशल मीडियावर व्हायरल झाला.

Related Articles

दरम्यान, या घटनेचा शासकीय अधिकारी व कर्मचाऱ्यांच्या काही संघटनांनी जिल्हाधिकार्‍यांना निवेदन देऊन निषेध केला असून, बसपा आमदाराला सात दिवसांत अटक न केल्यास तीव्र आंदोलन छेडण्याचा इशारा दिला आहे.

एका पोलीस अधिकाऱ्याशी संपर्क साधला असता ते म्हणाले की, रामबाईंवर कारवाई करण्यापूर्वी त्यांना मध्य प्रदेश विधानसभेची परवानगी घ्यावी लागणार आहे.

सुधीर जगदाळे Send an email October 2, 2022
Photo of सुधीर जगदाळे

सुधीर जगदाळे

Back to top button
error: Content is protected !!