अनिल देशमुख यांच्या जामीन अर्जावरील निर्णय राखून ठेवला, शुक्रवारी निर्णय अपेक्षित ! रेस्टॉरंट, बारकडून कथित 100 कोटींचा हप्ता वसूली प्रकरण !!
![](https://bhaskarvishwa.com/wp-content/uploads/2022/10/अनिल-देशमुख-2.jpg)
- वरिष्ठ भारतीय पोलीस सेवा (IPS) अधिकारी परमबीर सिंग यांनी आरोप केला होता की तत्कालीन गृहमंत्री देशमुख यांनी मुंबईतील रेस्टॉरंट आणि बारमधून दरमहा 100 कोटी रुपये वसूल करण्याचे लक्ष्य ठेवले होते.
मुंबई, 20 ऑक्टोबर – कथित भ्रष्टाचार आणि पदाचा गैरवापर केल्याप्रकरणी न्यायालयीन कोठडीत असलेले महाराष्ट्राचे माजी गृहमंत्री अनिल देशमुख यांच्या जामीन अर्जावर शुक्रवारी निकाल देणार असल्याचे येथील विशेष न्यायालयाने गुरुवारी सांगितले.
या प्रकरणाचा तपास केंद्रीय अन्वेषण विभाग (सीबीआय) करत आहे.
अंमलबजावणी संचालनालयाने (ईडी) नोंदवलेल्या मनी लॉन्ड्रिंग प्रकरणात 4 ऑक्टोबर रोजी मुंबई उच्च न्यायालयातून जामीन मिळाल्यानंतर देशमुख (71) यांनीही या प्रकरणात जामिनासाठी अर्ज केला होता.
दोन्ही पक्षांचा युक्तिवाद पूर्ण झाल्यानंतर विशेष सीबीआय न्यायालयाचे न्यायाधीश एसएच ग्वालानी यांनी गुरुवारी जामीन अर्जावरील निर्णय राखून ठेवला.
राष्ट्रवादी काँग्रेस पार्टीचे (NCP) नेते अनिल देशमुख यांना 2 नोव्हेंबर 2021 रोजी अटक करण्यात आली होती आणि सध्या ते न्यायालयीन कोठडीत आहेत. देशमुख यांना गेल्या आठवड्यात ‘कोरोनरी अँजिओग्राफी’साठी खासगी रुग्णालयात दाखल करण्यात आले होते.
देशमुख हे महाराष्ट्रातील मागील महाविकास आघाडी (एमव्हीए) सरकारमध्ये मंत्री होते. या सरकारमध्ये शिवसेना, राष्ट्रवादी आणि काँग्रेस यांची महाविकास आघाडी होती. अनिल देशमुख सध्या मुंबईतील आर्थर रोड कारागृहात आहेत.
विशेष म्हणजे, मार्च 2021 मध्ये, वरिष्ठ भारतीय पोलीस सेवा (IPS) अधिकारी परमबीर सिंग यांनी आरोप केला होता की तत्कालीन गृहमंत्री देशमुख यांनी मुंबईतील रेस्टॉरंट आणि बारमधून दरमहा 100 कोटी रुपये वसूल करण्याचे लक्ष्य ठेवले होते.
- गुगल अॅप इंन्स्टॉल करा अन् राहा अपडेट👇
https://play.google.com/store/apps/details?id=com.sambhajinagarlive.news - WhatsApp ग्रुप 👇
https://chat.whatsapp.com/D1vs2HoW4eqFRkoSoO98Om - फेसबुक पेज👇
https://www.facebook.com/profile.php?id=100063797745685&mibextid=ZbWKwL - Telegram channel 👇
https://t.me/+YKOHk5GZrKVW8VPP - Follow the भास्करविश्व मीडिया channel on WhatsApp👇
https://whatsapp.com/channel/0029Va8zRcn3bbVBA3JmZk26 - 9923355999 हा मोबाईल नंबर आपल्या WhatsApp ग्रुपमध्ये अॅड करा अन् मिळवा अपडेट